തിരുവനന്തപുരം ജില്ലയിൽ വർക്കല താലൂക്കിൽ കിളിമാനൂർ ബ്ലോക്കിൽ, തിരുവനന്തപുരം നഗരത്തിൽ നിന്നും ആറ്റിങ്ങൽ പട്ടണത്തിൽ നിന്നും ഏറെ അകലെയല്ലാതെ നാവായിക്കുളം ഗ്രാമപഞ്ചായത്ത് സ്ഥിതി ചെയ്യുന്നു. നാവായിക്കുളം, കുടവൂർ എന്നീ രണ്ടു വില്ലേജുകൾ ഉൾപ്പെടുന്നതാണ് നാവായിക്കുളം പഞ്ചായത്ത്. ആറ്റിങ്ങൽ പാർലമെന്റ് നിയോജക മണ്ഡലത്തിലാണ് നാവായിക്കുളം ഉൾപ്പെടുന്നത്. തെക്കുഭാഗത്ത് കരവാരം, ഒറ്റൂർ, ചെമ്മരുതി എന്നീ പഞ്ചായത്തുകളും (പൊങ്ങനാട്–കല്ലമ്പലം–വർക്കല റോഡ്), വടക്കുഭാഗത്ത് കല്ലുവാതുക്കൽ, പള്ളിക്കൽ എന്നീ പഞ്ചായത്തുകളും (പാരിപ്പള്ളി–നിലമേൽ റോഡ്), കിഴക്കുഭാഗത്ത് പള്ളിക്കൽ, മടവൂർ, നഗരൂർ എന്നീ പഞ്ചായത്തുകളും (തോളൂർ–ഞാറയിൽക്കോണം–സീമന്തപുരം–തലവിളമുക്ക് റോഡ്), പടിഞ്ഞാറ് ചെമ്മരുതി, ഇലകമൺ, കല്ലുവാതുക്കൽ എന്നീ പഞ്ചായത്തുകളുമാണ് (പാരിപ്പള്ളി–വർക്കല റോഡ്) അതിരുകളായി വരുന്നത്.
സ്ഥലം നാവായിക്കുളം, വർക്കല താലൂക്ക്, തിരുവനന്തപുരം ജില്ല – 695603
വാർഡുകൾ 24
നിയമസഭ മണ്ഡലം വർക്കല
ലോക്സഭ മണ്ഡലം ആറ്റിങ്ങൽ
വില്ലേജുകൾ നാവായിക്കുളം, കുടവൂർ
ആകെ ജനസംഖ്യ 40,702 (2011 സെൻസസ്)
വിസ്തീർണ്ണം 28.23 ച.കി.മീ.
ബ്ലോക്ക് പഞ്ചായത്ത് കിളിമാനൂർ